ئیسرائیل کاتز بەناو وەزیری بەرگری رژێمی سەهیۆنی دوای ئەوەی دوێنێ مووشەکێک لە یەمەنەوە ئاراستەی سەر خاکەکانی داگیرکراو کرا هەڕەشەیەکی ئاشکرای لە انصارالله کرد. باڵیۆزی ئەمریکا لە تەلئەبیبیش بە ئاماژەدان بە هێرشی ئاسمانی یەمەنی کردە ئامانج.

دوای ئەوەی بزووتنەوەی انصارالله لە یەمەن ئێوارەی دوێنێ مووشەکێکی بەرەو رژێمی سەهیۆنی هەڵدا، داگیرکەران هەڕەشەیان کرد.

ئیسرائیل کاتز بەناو وەزیری بەرگری رژێمی سەهیۆنی، لە هەژماری تایبەتی خۆی لە سۆشیال میدیا لێدوانێکی دا و بە هاوتاکردنی یەمەن لەگەڵ ئێران ئاماژەی بۆ هێرشکردن کرد.

کاتز بە کەڵک وەرگرتن لە دەربڕینی "پرۆتۆکۆڵی یەمەن هەمان پرۆتۆکۆڵی تارانە"، هێرشە ئاسمانییەکانی سەر ئێرانی بیر انصارالله هێنایەوە و رایگەیاند کە "بە شێوەی فیعلی وەڵام دەدەنەوە".

هەڕەشەی بۆمب لە ئەمریکاوە

هەڕەشەی هێرش تەنیا لە رژێمی سەهیۆنییەوە نەبوو. هەروەها مایک هاکابی باڵیۆزی ئەمریکا لە تەلئەبیب ئاماژەی بە هێرشەکەی انصارالله کرد و وتی، "ڕەنگە ئەو فڕۆکە بۆمبڕێژکراوانەی بی-٢ پێویستیان بە سەردانی یەمەن هەبێت".

بزووتنەوەی انصارالله لە یەمەن لە کاتژمێرەکانی ئێوارەدا مووشەکێکی بالیستیکی بەرەو ڕژێمی سەهیۆنی هەڵدا. سوپای سەهیۆنی ئیدیعای کرد کە ئەو مووشەکە بە سیستەمی بەرگری ئاسمانی بێلایەن کراوە. بەڵام مووشەکەکە ترس و دڵەڕاوکێیەکی گەورەی لە ڕژێمی داگیرکەردا دروست کرد.

لە کاردانەوە بە هێرشەکانی سەر غەززە، انصارالله ماوەی چەند مانگێکە کەشتییە سەر بە سەهیۆنییەکان لە دەریای سوور دەکاتە ئامانج و جارجارە ڕاستەوخۆ بە مووشەک و فڕۆکەی بێفڕۆکەوانی خاکەکانی داگیرکراو دەکاتە ئامانج.(İLKHA)